കോടയിറങ്ങുന്ന കുന്നിന് ചെരുവില് പുല്ത്തലപ്പുകളെ
തൊട്ടുരുമ്മി നിന്റെ നനവാര്ന്ന വിരല്ത്തുമ്പില് തൊട്ടപ്പോള്
ഓ !!!! ഡിസംബര് നീയെന്നോട് പറഞ്ഞു, ഇതു
പോലൊരു മഞ്ഞുകാലത്തായിരുന്നു നിന്റെ ജനനമെന്ന്...
നിന്റെ കുളിരില് മുങ്ങി പൂര്ണകായചന്ദ്രികയില്
മിഴിനട്ടു നില്ക്കുമ്പോള് ഡിസംബര് ! വീണ്ടും നീയെന്നോട്
പറഞ്ഞു,ഇത് പോലൊരു പൌര്ണ്ണമി രാവിലായിരുന്നു
നീ ആദ്യമായ് കരഞ്ഞതെന്ന്.............
വീശിയടിക്കുന്ന കാറ്റില് ഞെട്ടറ്റു വീഴുന്ന പച്ചിലകളെ
നോക്കി നില്ക്കുമ്പോള് ഡിസംബര് ! നീയെന്റെ കാതിലോതി,
കാറ്റിനു പച്ചിലയെന്നോ പഴുത്തിലയെന്നോ ഭേദമില്ലെന്ന്.......
ധനുമാസപുലരിയില് പുഴയുടെ തെളിനീരില് കണ്ണാടി
നോക്കിയിരിക്കുമ്പോള് ഡിസംബര് ! നീ പറഞ്ഞു ,
ഇന്നു തിരുവാതിരയാണ്...............
ഉരുകിയൊലിക്കുന്ന മെഴുകുതിരിയെ നോക്കിഎന്റെ
ജീവിതവും നീയും ഒന്നാണെന്ന് ഓര്മ്മപ്പെടുത്തുമ്പോള്
ഡിസംബര് ! നീയെന്നോട് പറഞ്ഞു,ഇന്നു നിന്റെ ജന്മദിനമാണ്....
പോയകാലദിനങ്ങള് പടര്ത്തിയ കറുപ്പില് അലകടല്
ഇരമ്പിയാര്ത്ത് തിരതല്ലി പാഞ്ഞടുക്കുമ്പോള് മുറുക്കെയടച്ച
എന്റെ മിഴികളെ ഉടച്ചുകൊണ്ട് ഉരുകിയൊലിച്ച
തീവ്രവേദനകള് തെളിനീര്കണങ്ങളായ് വിണ്ണിലലയാതെ
മണ്ണില് വീണടിയുമ്പോള് ഡിസംബര് ! വീണ്ടും
നീയെന്നോട് പറഞ്ഞു ," കരയരുത് ഇന്നു നിന്റെ ജന്മദിനമാണ്...."
******************************************************
53 comments:
കവിത വായിച്ചു..
പുതുവത്സരാശംസകള്
ഇത് പോലൊരു പൌര്ണ്ണമി രാവിലായിരുന്നു
നീ ആദ്യമായ് കരഞ്ഞതെന്ന്........
വീശിയടിക്കുന്ന കാറ്റില് ഞെട്ടറ്റു വീഴുന്ന
പച്ചിലകളെ നോക്കി നില്ക്കുമ്പോള്
ഡിസംബര് നീയെന്റെ കാതിലോതി
കാറ്റിനു പച്ചിലയെന്നോ പഴുത്തിലയെന്നോ
ഭേദമില്ലെന്ന് .
ശരിയാണ്, കാറ്റിനെന്ത് ഭേദം.
ഇത്തിരി തരളമായ് മനസ്സ്, കവിത വായിച്ചപ്പോള് :)
പുതുവത്സരാശംസകളോടെ..
ഓ ഡിസംബര് ഇന്നലെ നീയെന്നോട് വളരെ നൈരാശ്യത്തോടെ പറഞ്ഞു ഇക്കുറി ഞാന് വിടവാങ്ങട്ടെ എന്ന്..
ഓ ഡിസംബര് അറിയില്ലല്ലോ പന്തീരുമാസത്തെ കാത്തിരുപ്പിനൊടുവില് നിന് ചാരെയണയുവാന് ഞാന് ബാക്കിയുണ്ടാവുമോയെന്ന് എനിക്കറിയില്ല എന്റെ സോദരി..
പുതുവത്സരാശംസകള്
ഉരുകിയൊലിക്കുന്ന മെഴുകുതിരിയെ നോക്കി
എന്റെ ജീവിതവും നീയും ഒന്നാണെന്ന്
ഓര്മ്മപ്പെടുത്തുമ്പോള് ഡിസംബര്
നീയെന്നോട് പറഞ്ഞു
ഇന്നു നിന്റെ ജന്മദിനമാണ്...
നന്നായിട്ടുണ്ട് ആശംസകള്
മഞ്ഞുതുള്ളീ....,
നീ ഡിസംബറിന്
മാത്രം സ്വന്തം....
പിന്നെ.....?!
കവിത നന്നായിരിക്കുന്നു...
ഡിസംബറില്
നീ ഒന്നും മറന്നില്ല.....
നല്ല കവിത അതീവ ഹൃദ്യമായി
ചൊല്ലാന് കഴിയുന്നു.
Enikku ee varikal valare ishtamaayi.piriyumbol dec.neyum varumbol jan.yeyum namukku ishtamaanu...
പ്രിയ...എത്ര ഗംഭീരമായ വര്ക്കുകള് ...ഹൃദയപൂര്വം അഭിനന്ദിക്കുന്നു.എഴുതുക...ഇനിയും ഇനിയും...
ലിങ്ക് തരാന് മറക്കരുത്...
സ്നേഹപൂര്വ്വം
ഡിസംബര് അങ്ങിനെയാണ് ഓര്മകളെ കൊണ്ട് വരും
മനോഹരമായി എഴുതി.
കരയാന് കൊതിക്കാതെ കാണാന് കൊതിക്കുന്ന
മനസുമായി ഇനിയുമൊരു ഡിസംബെരിനായി
കാത്തിരിക്കുന്നു...ആശംസകള്...
നല്ല കവിത, ഡിസംബറിന്റെ ഓര്മ്മപെടുത്തലുകള്, ഇനിയും വരാം, പുതുവത്സരാശംസകള്.
"വീശിയടിക്കുന്ന കാറ്റില് ഞെട്ടറ്റു വീഴുന്ന
പച്ചിലകളെ നോക്കി നില്ക്കുമ്പോള്
ഡിസംബര് നീയെന്റെ കാതിലോതി
കാറ്റിനു പച്ചിലയെന്നോ പഴുത്തിലയെന്നോ
ഭേദമില്ലെന്ന് ........"
പ്രിയാ...
നനുനനുത്ത കവിത വരികളില് ഡിസമ്പറിന്റെ തണുപ്പ്
ഹൃദ്യമാര വരികള്
അഭിനന്ദനം
പുതുവത്സരാശംസകള്
"പോയകാലദിനങ്ങള് പടര്ത്തിയ കറുപ്പില്
അലകടല് ഇരമ്പിയാര്ത്ത് തിരതല്ലി
പാഞ്ഞടുക്കുമ്പോള് മുറുക്കെയടച്ച
എന്റെ മിഴികളെ ഉടച്ചുകൊണ്ട്
ഉരുകിയൊലിച്ച തീവ്രവേദനകള്
തെളിനീര്കണങ്ങളായ് വിണ്ണിലലയാതെ
മണ്ണില് വീണടിയുമ്പോള്
ഡിസംബര് വീണ്ടും നീയെന്നോട് പറഞ്ഞു
കരയരുത് ഇന്നു നിന്റെ ജന്മദിനമാണ്........"
കവിതാ രചനയുടെ, പനിനീര് സുഗന്ധ മനുഭവിക്കുന്ന,
അര്ത്ഥ ഗര്ഭവും, പദലാവന്യവുമുള്ള വരികള്.
"ഉരുകിയൊലിച്ച തീവ്രവേദനകള്,
"തെളിനീര്കണങ്ങളായ് വിണ്ണിലലയാതെ
മണ്ണില് വീണടിയുമ്പോള്"
വളരെ മനോഹരം ഈ വരികള്.എഴുത്തുകാരില് അനുഗ്രഹം ചൊരിയാന് ഇടവരുത്തുന്ന പ്രയോഗങ്ങള്, എഴുത്തിനെ , രചനയെ,
വളരെ സമ്പന്ന മാക്കുന്നു.
കുത്ത്,കോമകള് ഉപയോഗിക്കാന് മടിക്കുന്നതെന്തു?
കഴിഞ്ഞ പോസ്ടുമുതലേ ഈ ബ്ലോഗില് ഞാന് എത്തിയതുള്ളൂ.
"ഡിസമ്പര് പറഞ്ഞത്" ആകര്ഷകമായ ഒരു രചനതന്നെ.
പുതുവത്സരാശംസകളോടെ ,
---ഫാരിസ്
ഡിസംബർ വേർപാടിന്റെയും പ്രതീകമാണ്, ഒപ്പം പ്രത്യാശയുടേയും...
മനസ്സിലേക്കാഴ്ന്നിറങ്ങിയ വരികൾ!
ആശംസകൾ പ്രിയാ....
ഡിസംബര് നഷ്ടങ്ങളുടെ പാരമ്യ വും അറുതിയും ആണ് ..അതേ സമയം തന്നെ പുതു പ്രതീക്ഷകളുടെ ഇളം നാമ്പുകളും നീട്ടുന്നു വിറങ്ങലിച്ച ഈ ഡിസംബര് ..
പ്രിയ മനോഹരമായി ഈ ഡിസംബര് കവിത ..പൂര്ണ കായ ചന്ദ്രിക എന്ന
പ്രയോഗം എന്തോ എനിക്കതൊരു അഭംഗി തോന്നിച്ചു ..കായം (ശരീരം )എന്ന വാക്ക് ചേര്ത്തില്ല എങ്കിലും പൂര്ണ ചന്ദ്രിക എന്നര്ത്ഥം കിട്ടുമല്ലോ ..
നല്ല കവിത പ്രിയേ,,, .. ഡിസംബര് ന്റെ തണുപ്പും പിന്നെ കുറേ യഥാര്ത്യങ്ങളും പ്രതിഫലിക്കുന്ന കവിത
ഡിസംബറിനെ എടുത്ത് സ്വന്തം ജീവിതത്തോട് ചേർത്ത് വച്ചല്ലോ..
കവിത വല്ലാതെ കാല്പനികമായി.
ഇത്രയൊന്നും വൈകാരികത ഇപ്പോൾ ആരും സഹിക്കില്ല.
കവിതയുടെ അവസാനത്തിൽ വല്ലാതെ വാചാലമായി.
സ്ത്രീകൾ പലപ്പോഴും കവിതയെഴുതുമ്പോൾ കടന്നു വരുന്ന തരളത കവിതയിൽ മുറ്റിനിൽക്കുന്നുണ്ട്. റോസ്മേരിയുടെയൊക്കെ കവിതയിലെ പോലെ
അതിൽ നിന്ന് ഒന്ന് പുറത്ത് കടക്കുന്നത് നന്നായിരിക്കും.
കവിതയിൽ തെളിയാൻ കഴിയുമെന്ന് ചില ഇമേജുകൾ പറയുന്നു.
ഡിസംബറിനെ എടുത്ത് സ്വന്തം ജീവിതത്തോട് ചേർത്ത് വച്ചല്ലോ..
കവിത വല്ലാതെ കാല്പനികമായി.
ഇത്രയൊന്നും വൈകാരികത ഇപ്പോൾ ആരും സഹിക്കില്ല.
കവിതയുടെ അവസാനത്തിൽ വല്ലാതെ വാചാലമായി.
സ്ത്രീകൾ പലപ്പോഴും കവിതയെഴുതുമ്പോൾ കടന്നു വരുന്ന തരളത കവിതയിൽ മുറ്റിനിൽക്കുന്നുണ്ട്. റോസ്മേരിയുടെയൊക്കെ കവിതയിലെ പോലെ
അതിൽ നിന്ന് ഒന്ന് പുറത്ത് കടക്കുന്നത് നന്നായിരിക്കും.
കവിതയിൽ തെളിയാൻ കഴിയുമെന്ന് ചില ഇമേജുകൾ പറയുന്നു.
പുതുവത്സരാശംസകള്
ഡിസംബര് എന്ന് കേള്ക്കുമ്പോള്ത്തന്നെ ഒരു വിടവാങ്ങലിന്റെ സ്വരമാണ് മനസ്സില് വരുന്നത്. ഒരു വര്ഷത്തിന്റെ വിടവാങ്ങല്.
അതിഗംഭീരമായി അവതരിപ്പിച്ചു കവിത.
ആശംസകള്.
മനോഹരം...!!
ഇനി അടുത്ത ഡിസംബറിലേക്ക്.
നന്നായി.
കരയരുതെ കരയരുതെ യെന്നോട് ഡിസംബര് !
ഇത് നിന്റെ ജന്മദിന മാസമാണ്
അടുത്ത ഡിസംബർ വരുമ്പോൾ അതിനോടു ചിരിച്ചു കൊണ്ടു പറയാം , “ഇന്ന് എന്റെ ജന്മദിനം ആണ്.” പുതുവത്സരാശംസകൾ
http://praviep.blogspot.com/2010/12/blog-post_17.html
:-) കലക്കി
ഈ ബ്ലോഗ്ഗിന്റെ ടെമ്പ്ലേറ്റ് മാറിയാല് നന്നായിരിക്കും ആശംസകള്...
കവിത നന്നായി .
ഡിസംബറിന്റെ ചിന്തകള് കുറച്ചങ്ങ് പഴകിത്തുടങ്ങിയെന്ന് തോന്നുന്നു, അതോ കാലം ത്തെറ്റി ഒഴുകൂന്നതോ . ഇത്രയും വൈകാരിതമായ് അധികം ആരേയും കാണാറില്ല . ജന്മദിനങ്ങള് ആഘോഷിച്ച് തിമിര്ക്കുകയല്ലേ .
മഞ്ഞുതുള്ളി...
"ഓ ! ഡിസംബര് നീയെന്നോട് പറഞ്ഞു
ഇത് പോലൊരു മഞ്ഞുകാലത്തായിരുന്നു
നിന്റെ ജനനമെന്ന്.....; "
അതെ ഇതുപോലൊരു ഡിസംബര് മാസത്തിലായിരുന്നു എന്റെ ജനനവും...
കൊള്ളാം നല്ല വരികള്
മഞ്ഞുതുള്ളിക്ക് മിഴിനീര്ത്തുള്ളിയുടെ പുതുവത്സരാശംസകള്
അടുത്ത ഡിസംബര്റിലും ഇതുപോലൊക്കെതന്നെ.
വാചാലമായ വരികള് ഇഷ്ടപ്പെട്ടു.
പുതുവല്സരാശംസകള്.
നല്ല നനുത്ത പട്ടു പോലെ ഭാഷ! നന്നായിട്ടുണ്ട്! കാൽപ്പനികതയുടെ ഓവർഡോസ് ഒഴിവാക്കിയാൽ കുറച്ചു കൂടി കരുത്ത് വരില്ലേ? ആശംസകൾ!
ഞാൻ നേരത്തെ വായിച്ചിരുന്നു.
കമ്പ്യൂട്ടർ വഴക്കിട്ടതുകൊണ്ട് ഒന്നും പറയാതെ പോയതാണ്.
ഇത്തിരീം കൂടി ഒതുക്കിപ്പറയാമായിരുന്നു എന്നൊരു തോന്നൽ.
ഇനിയും എഴുതുക.
ആശംസകൾ.
കവിതക്ക് നല്ല തണുപ്പ് ...
നന്നായിട്ടുണ്ട്
കാല്പനികത വളരെ ഇഷ്ടപ്പെടുന്ന ഒരാളായതുകൊണ്ട് ഞാനീ തണുപ്പ് അനുഭവിക്കുന്നു.
manju peyyunna sukham....... aashamsakal..............
നന്നായിരിക്കുന്നു ഈ ഡിസംബർ...
നന്നായിരിക്കുന്നു ഈ ഡിസംബർ...
നാളെയെ ചുമക്കുന്ന ഗർഭത്തിൻ വക്കിൽ,കണ്ണും നട്ടു നോക്കിയിരിക്കുന്നൂ ലോകം....... കാല്പനികയിലെ കൌശലം.........നന്നായി, ചന്തുനായർ(ആരഭി)
ഡിസംബറിനപ്പുറം ജനുവരി.... പിന്നെ വീണ്ടും ഡിസംബറിനായുള്ള കാത്തിരിപ്പും
ഡിസംബറും, ജനുവരിയും എല്ലാം ഒരുപോലെ....
ഡിസംബറിനെയെടൂത്ത് ഒരു കൊച്ചു താരാട്ട് ...!
ഒപ്പം പ്രിയക്കും കുടുംബത്തിനും സർവ്വവിധ നവവത്സര ഭാവുകങ്ങളും നേർന്നുകൊള്ളുന്നൂ
പ്രിയ, ഞാന് തന്നോട് പറയുന്നു "ഈ കവിത ഗംഭീരമായെന്ന്!"
പ്രിയ, ഞാന് തന്നോട് പറയുന്നു "ഈ കവിത ഗംഭീരമായെന്ന്!"
Januvarikku Munpu...!
Manoharam, Ashamsakal...!!!
കോട മഞ്ഞിന്റെ പുതപ്പിവിടെ ഊരി വെച്ചു,കമനീയമായ ഹിമ വേഷ ഭൂഷാധികള് ബാക്കി വെച്ചു,ഒരു ഗത കാല ശ്രുതി നല്കാന്,ഡിസംബര് യാത്രയായി .അപ്പോള്,നമുക്ക് ജനുവരിയെ വരവേല്ക്കാം..!!!!
decemberum makaravum perumazhayum manjum...puzhayum..okke ormapeduthunna varikal nannaai.....ente janmadinavum oru decemberilayirunnu....
വീശിയടിക്കുന്ന കാറ്റില് ഞെട്ടറ്റു വീഴുന്ന
പച്ചിലകളെ നോക്കി നില്ക്കുമ്പോള്
ഡിസംബര് ! നീയെന്റെ കാതിലോതി
കാറ്റിനു പച്ചിലയെന്നോ പഴുത്തിലയെന്നോ
ഭേദമില്ലെന്ന്........
യഥാര്ത്ഥം!
ഹ്രദ്യമായ വരികള്
എല്ലാ ആശംസകളും!
നല്ല വരികള്. ഡിസംബര് മാത്രമാണോ വിട വാങ്ങിയത്? ഒരു വര്ഷം മുഴുവനല്ലേ?
ഡിസംബര് ! വീണ്ടും നീയെന്നോട് പറഞ്ഞു
" കരയരുത് ഇന്നു നിന്റെ ജന്മദിനമാണ്........"
ആരുടെ ജന്മദിനം? രണ്ടായിരത്തി പതിനോന്നിന്റെയോ?
(തമാശ)
“”ധനുമാസപുലരിയില് പുഴയുടെ
തെളിനീരില് കണ്ണാടി നോക്കിയിരിക്കുമ്പോള്
ഡിസംബര് ! നീ പറഞ്ഞു
ഇന്നു തിരുവാതിരയാണ്.....;“” +++ ഈ വരികള്ക്ക് ഒരു പ്രത്യേക മാസ്മരികത..... ശ്രീ വടക്കുന്നാഥന് ക്ഷേത്രത്തില് തിരുവാതിരക്കളി കണ്ടിരുന്നു.
" കരയരുത് ഇന്നു നിന്റെ ജന്മദിനമാണ്........"
കഷ്ടം ഡിസംബര് കഴിഞ്ഞു പോയല്ലോ കൂട്ടുകാരീ..
അപ്പോള് കാത്തിരിക്കാം അല്ലേ, അടുത്ത ഡിസംബര് വരെ..
അന്ന് ഞാനും നിന്നോട് പറയാം "ഡിസംബര് ഇത് നിന്റെ ജന്മ മാസം.."
ഡിസംബര് ഇനിയും പറഞ്ഞു കൊണ്ടേ ഇരിക്കട്ടെ ....
നല്ല വരികള് ആശംസകള്
chechi....... nallavarikal
eniku ishttappettu
കവിതയില് ആശയപ്പൊലിമയും സൗന്ദര്യവും ഉണ്ട്. കൂടെ കൊടുത്ത വൃക്ഷത്തിന്റെ ചിത്രവും ഒരു കവിത ചൊല്ലുന്നുണ്ട്. ആശയസമ്പുഷ്ടിയും മനോഹാരിതയുമുള്ള ചിത്രം, പ്രിയം!
പടികയറുന്ന പ്രിയദര്ശിനിയെ ഞാനും ഇവിടെ കാണുന്നു...
Post a Comment