"കരിഞ്ഞൊട്ടിയ ഉദരവും കുഴിഞ്ഞ കണ്ണുകളില്
കണ്ണീരുമായ് ഞാന് നിന്റെ മുമ്പില് വന്ന നാള്
നന്മേ നിനക്കോര്മ്മയില്ലേ..
നന്മേ നിനക്കോര്മ്മയില്ലേ..
വക്കുപൊട്ടിയ പിച്ചളപാത്രം നീട്ടി പഴംചോറിനായ്
നിന്നുമ്മറത്തുനിന്നു കേണതും നിനക്കോര്മ്മയില്ലേ..
ഒന്നുംപറയാതെ ഉള്വലിഞ്ഞു നീ നിന്റെ ശ്വാനനെ
ഒന്നുംപറയാതെ ഉള്വലിഞ്ഞു നീ നിന്റെ ശ്വാനനെ
എനിക്കുള്ള മറുപടിയായ് നിയോഗിച്ചതും
മറന്നു പോയോ...
മറന്നു പോയോ...
ഉടുതുണി കീറിയ നഗ്നതയില് ശേഷിച്ച മാംസപിണ്ഡ
ത്തില് ചോര കീറിയ ചാലുമായ് പടിയിറങ്ങിയ
എന്നെ നീ മറന്നോ..
എണ്ണപ്പെടാത്ത വിശപ്പിന്റെ ദിനങ്ങള്ക്ക് മുന്പില്
എണ്ണപ്പെടാത്ത വിശപ്പിന്റെ ദിനങ്ങള്ക്ക് മുന്പില്
വേച്ചു വേച്ചു ഞാന് വീണപ്പോള് അന്ത്യനീര് തന്ന
കൈകള് നന്മേ നിന്റെതായിരുന്നോ..
അതോ എന്റെമ്മയുടെ കണ്ണീര് പെയ്തിറങ്ങിയതോ.."
_________________________________________________________